Лоиҳаи омодагӣ ба офатҳои табиӣ ва вокуниш ба онҳо
15 сентябр 2011 | Хонданд: 395 нафар | Амният
Федератсияи байналмилалии Ҷамъиятҳои Салиби Сурх ва Ҳилоли Аҳмар дар ояндаи наздик лоиҳаи омодагӣ ба офатҳои табиӣ ва вокуниш ба онҳо, кўмак ба аҳолии ниёзманд, ёрии аввал дар сатҳи ҷомеа
ва чорабиниҳои марбут ба саломатии ҷомеа, об ва беҳдоштиро дар Тоҷикистон тавсия мебахшад.
Душанбе, 15 сентябр. (ТВ «Сафина»). - Масъалаи мазкур зимни мулоқоти Амиршо Миралиев, муовини аввали Раиси палатаи поёнии парлумони мамлакат бо Массимо Барра, президенти комиссияи доимии Федератсияи байналмилалии Ҷамъиятҳои Салиби Сурх ва Ҳилоли Аҳмар дар Душанбе баррасӣ гардид.
Амиршо Миралиев доир ба фаъолият, ироаи кўмакҳои башардўстона ва ҳамкории мутақобилан судманди он бо Тоҷикистон табодули назар карда, ба фаъолияти ин ниҳоди байналмилалӣ баҳои баланд дод. Ҷамъияти мазкур дар миқиёси Тоҷикистон наздики 70 бахш ва 15 ҳазор ихтиёриён дорад.
Мусоҳибон дар ҷараёни мулоқот маҷмўи масъалаҳои тақвияти ҳамкориҳои мутақобилан судманди Тоҷикистонро бо ин созмони байналмилалӣ баррасӣ намуданд.
