Идораи барномаҳои иттилоотӣ – таҳлилии "Навид" - яке аз бахшҳои муҳими Муассисаи давлатии "Телевизиони Сафина" маҳсуб ёфта, ҳамарӯза 2 маротиба тариқи пахши мустақим ҳамчунин 2 маротиба такроран дар ҳачми 15 дақиқа тозатарин хабару руйдодҳои ҳаёти сиёсию иқтисодӣ ва иҷтимоию фарҳангии дохили кишвар ва хориҷи онро пешкаши бинандагони сершумор мекунад. Қобили тазаккур аст, ки то охири соли 2008 ҳамарӯза 3 маротиба (08:00, 17:00 ва 20:00) кормандони идора матолиби тозаи иттилоотиро манзури бинандагон мегардониданд. Оғоз аз моҳи январи соли равон бо ба эфир баромадани барномаи хабарии "Навид" бо забони англисӣ вақти пахши барномаҳои иттилоотӣ бо забонҳои точикӣ ба соатҳои 13:00 ва 20:00 муқаррар карда шуд. Ин тасмимоти роҳбарияти Муассиса вобаста ба пахши барномаҳои ТВ «Сафина» дар кишвархои хоричӣ саривақтӣ мебошад. Студияи «Навид»-и Муассисаи давлатии «Телевизиони Сафина» бо навтарин таҷҳизоти рақамии соҳавӣ таъмин буда, барои пахши мустақими барномаҳо имкониятҳои заруриро фароҳам оварда шудааст. Айни замон роҳбарии идораи барномаҳои иттилооотӣ - таҳлилии "Навид" - ро журналисти шинохта Карим Азизов ба ӯҳда дорад.

Дар идора 16 нафар – муҳаррирону коргардонҳо, барномасозону наттоқон (дар ҳамроҳи бо бахшҳои хабарнигори дар шаҳрҳои Хӯҷанд, Кӯргонтеппа ва Кӯлоб) пурсамар фаъолият доранд. Бинандагон ҳамарӯза тавассути гузоришҳои муҳаррирони соҳибтаҷриба Муҳаммадёқуб Зокиров, Зубайдулло Каримов, Ойгул Одинаева, Умед Аҳмадов, Ширинҷон Сафаров, Хуршед Сафаров, Насиба Маҳмадҷонова дар барномаҳои иттилоотӣ – таҳлилии "Навид" бо хабару воқеоти рӯзмарра шинос мешаванд. Наттоқони варзида , Дилафрўз Комилова, Мавзуна Ҳакимова, Рухшона Солиева, Дилафрӯз Давлатова ва Миҷгона Мусоева ҳар кадом бо маҳорати касби ва услуби хосаи худ писанди доираи васеи бинандагон гардидаанд. Кормандони идора ният доранд, ки бо истифода аз имконоти мавҷуда сифати барномаҳоро боз ҳам беҳтар намуда, ба ин васила миёни бинандагон маҳбубияти бештареро касб намоянд.