Бешубҳа фаъолияти пурсамару рўзмарраи «Телевизиони Сафина»- ро бе идораи наворбардорон тасаввур кардан ғайриимкон мебошад. Аз ин лиҳоз, барои фаъолият дар идораи наворбардорон беҳтарин мутахассисони соҳа ҷалб карда шудаанд. Айни замон дар идораи мазкур 11 наворбардори касбӣ, ки аксарияташонро ҷавонон ташкил мекунанд, фаъолият доранд.

Боиси ифтихор аст, ки аксарияти онҳо дар худи Муассиса таҷриба омўхтаанд. Ҳамчунин дар доираи имконот қисме аз онҳо барои такмили ихтисос ба хориҷи кишвар фиристода мешаванд. То имрўз наворбардорони «Телевизиони Сафина» дар студияҳои телевизионии давлатҳои Туркия, Эрон, Япония, Хитой ва Федератсияи Руссия малакаи касбии худро такмил доданд.

Филмҳои бадеӣ - телевизионии Имтиҳон, Пуштаи хандақпеч, Қиссаи орзуҳои осмонӣ, Муҳаббат, Кўҳистонӣ ва Хокпайванд номгўи филмҳои бадеианд, ки кормандони идораи мазкур рўи навор оварда, пешкаши дустдорони кино гардониданд.

Идора дорои 11-адад камера наворбардории замонавии рақамӣ ва инчунин ду адад крани наворбардорӣ мебошад. Крани наворбардорӣ дарозиаш 8 метр буда бо пулти ҷудогона идора мешавад, ки дар он ду наворбардор кор мекунанд.

Сардори идораи наворбардорон Ашуров Диловар.