Муассисаи давлатии «Телевизиони Сафина» дорои 2 студияи сайёри телевизионӣ буда, намоишу чорабиниҳо ва барномаву консертҳои дар ҷумҳурӣ доиршавандаро тавассути он сабт менамояд.
Дастгоҳу таҷҳизоти Студияи сайёри ТВС дар микроавтобуси тамғаи «Газель» насб шудаанд.
Студияи номбурда бо беҳтарин дастгоҳу таҷҳизоти рақамаӣ муҷаҳҳаз гардонида шудааст.
Дар баробари ин дар соли 2007 студияи мазкур бо амтомошинаи тамғаи DAEWOO низ таъмин гардид, ки дар он дастгоҳу таҷҳизоти замонавии дигари студияи номбурда, таҷҳизонида шуда, ҳамчун студияи сайёри хурд мавриди истифода қарор дода шуд ва Студияи сайёри Муассиса минбаъд метавонад дар тамоми чорабиниҳои ҷумҳуриявӣ бе ягон мамониат ширкат варзида, саҳми арзандаи худро дар сабт ва таҳияи он гузорад.
Инчунин тавассути ин студияи сайёр чорабиниҳои муҳими аҳамияти ҷумҳуриявидошта аз пойтахти кишварамон мустақиман пахш мешавад. Барои пурсамар гардонидани кори Студияи сайёри «Телевизиони Сафина» масъулони он кўшиш ба харҷ доданд, ки дар назди ССТ инчунин студияи мобилии дигаре ташкил намоянд.