Дирӯз дар китобхонаи миллии Тоҷикистон ба номи Абулқосим Фирдавсӣ бахшида, ба 150 солагии зодрӯзи асосгузори адабиёти бадеии мардуми осетин Константин Хетагуров намоишгоҳи китоб баргузор гардид.
Душанбе, 20 октябр. - Чорабинии мазкур бо ташаббуси Ҷамъияти осентинҳои Тоҷикистон «Иристон» дар ҳамбастагӣ бо Китобхонаи миллӣ ташкил карда шуд.
Дар намоишгоҳ дар баробари асарҳои насриву назмӣ ва драммавии бо забонҳои осентинӣ ва русӣ нашршуда, инчунин осори рассомӣ ва наққошии Константин Хетагуров барои дӯстдорони адабиёт пешкаш гардид.
К.Хетагуров ҳамчун шоир, драматург, ҳаҷвнигор, рассом, мунаққиди театриву адабӣ, донандаи ҳуқуқ, инчунин тарҷумони бомаҳорат шинохта мешуд. Осори ӯ ба забонҳои гуногуни ҷаҳон аз ҷумла бо забонҳои ҷопонӣ, ҳиндӣ, тоҷикӣ ва ғайра тарҷума шудаст.
