Кӯлоб, 26 апрел. - Сокинони ноҳияи Кӯлоб низ Паёми имсоларо чун паёмҳои қаблӣ бо рӯҳияи баланд аз татбиқи сиёсати хирадмандона ва бунёдкоронаю созандаи роҳбарияти кишвар, ки фарогири сиёсати дохилию хориҷии мамлакат буда бо мақсади таҳкими сулҳу суботи саросарии ҷумҳурӣ, пешрафти иқтисодиёту иҷтимоиёт, фарҳангу маориф пешниҳод мегарданд, қабул намуданд.

Тоҷикистон дар марҳилаи вусъату тараққиёти бемайлони иқтисодию иҷтимоӣ, фарҳангию маънавӣ дар арсаи ҷаҳонӣ дар радифи кишварҳои пешрафта пайваста мавқеи хосса касб менамояд, ки ин омилҳо боиси рушди тамоми соҳаҳои ҳаёт ва беҳбудии зиндагии сокинони мамлакат гардида, ҳамзамон аз ҳар як фарди худогоҳ самимона дӯст доштани ватан ва софдилона ба он хизмат карданро тақозо менамоянд. Паёми тозаирсол бори дигар дар назди мсъулини мақомоти маҳаллӣ, роҳбарони ташкилоту идораҳо, муассисаҳои олию миёна ва касбӣ, кормандони соҳаҳои фарҳангу тандурустӣ ва ҳамаи шаҳрвандони Тоҷикистон ҳалли вазифаҳои муҳимро ҷиҳати баланд бардоштани сатҳи некӯаҳволии мардум ва дар маҷмӯъ, таъмини кафолати зиндагии арзанда роҳандозӣ менамояд.