Александр Григоревичи мӯҳтарам,

Хабари таркиши ваҳшиёнае, ки дар метрополитени шаҳри Минск ба амал омада бар асари он шахсони бегуноҳ захмӣ ва қурбон шуданд, моро сахт андӯҳгин намуд.

Мо бо танаффур ин амали зӯровариро маҳкум мекунем ва ҳамдилии худро ба кӯшишҳое, ки ба решакан кардани ин вабои асри мо-терроризм равонаанд, иброз медорем.

Аз Шумо, Александр Григоревич хоҳиш менамоям, ки ҳамдардии маро ба наздикон ва хешу таборони қурбоншудагон ва ҷабрдидагон бирасонед. Тоҷикистон ҳамеша ҷонибдори қатъии ҳамгироии кӯшишҳо дар роҳи мубориза бо ин падидаи манфур буд ва мемонад.

Дар ин бора ба АМИТ «Ховар» аз маркази матбуоти Президенти Ҷумҳурии Тоҷикистон хабар доданд.