Э.Раҳмон ба М.Аҳмадинажод барқияи тасаллият ирсол намуд
10 январ 2011 | Хонданд: 942 нафар | Президент
Президенти Ҷумҳурии Тоҷикистон Эмомалӣ Раҳмон ба Президенти Ҷумҳурии Исломии Эрон Маҳмуди Аҳмадинажод барқияи тасаллият ирсол намуд, ки дар он аз ҷумла омадааст:
Ҷаноби Олӣ,
Хабари садамаи ҳавопаймо, ки боиси ҳалокати теъдоди зиёди шаҳрвандони Ҷумҳурии Исломии Эрон гардид, тамоми мардуми Тоҷикистонро андўҳгин намуд.
Бо изҳори таъзия ва тасаллият ба мардуми дўст ва бародари Эрон аз Ҷаноби Олӣ хоҳишмандам, ки эҳсоси ҳамдардии моро ба наздикони шуҳадо бирасонанд.
Дар ин бора ба АМИТ «Ховар» аз Хадамоти матбуоти Президенти Ҷумхурии Тоҷикистон иттилоъ доданд.
