Сар аз 26 июн, дар остонаи таҷлили Рӯзи Ваҳдати миллӣ шаҳру навоҳии вилояти Суғд шабонарӯз бо нерӯи барқ таъмин аст.
Душанбе, 28 июн. - Ҳамаи маҳдудиятҳои марбут ба барқрасонӣ бардошта шуданд.
Барҳамдиҳии маҳдудияти нерӯи барқ туфайли насби трансформатори нави иловагии пуриқтидор дар шабакаи интиқоли барқи «Ҷануб – Шимол» даст дод.
Акнун вилояти Суғд тамоми фасли тобистон бо нерӯи барқ пурра таъмин мегардад, корхонаҳои саноатӣ дар ҳамаи шаҳру ноҳияҳои минтақа бо боздеҳи бештар кор хоҳанд кард.
Дар ин бора раиси вилояти Суғд Қоҳир Расулзода ба иштирокдорони чорабинии тантанавии Рӯзи Ваҳдати миллӣ, ки 26 июн дар шаҳри Хуҷанд баргузор гардид, мужда расонд ва барои таваҷҷӯҳи ҳамешагӣ ба Президенти Ҷумҳурии Тоҷикистон Эмомалӣ Раҳмон сипосмандӣ иброз дошт.
