- гуфт зимни як нишаст дар Душанбе ба хабарнигорон Йоахим Пфайффер, узви Бундестаги Олмон, ки ҳамзамон ҳамоҳангсози масъалаҳои энергетика дар парлумони ин кишвар мебошад. Й. Пфайффер зикр кард, ки масъалаи даст кашидани Олмон аз истифодаи энергияи атомӣ ҳанӯз 40 сол муқаддам, яъне қабл аз ба вуқӯъ омадани садама дар НБА Чернобили Украина (26-04- 1986) ва Фукусимаи Ҷопон (11-03-2011) ба миён омадааст.

Намояндаи Бундестаг афзуд, ки бо сабаби афзудани эҳтиёҷоти кишвараш ба нерӯи барқ, Олмон то соли 2020-ум 20 % ва то соли 2050 –ум 50 % -и нерӯи барқро сарфа намуда, дар ин самт аз гази табиӣ, ангишти сиёҳ ва бӯр, нерӯгоҳҳои бодӣ, офтобӣ ва дигар захираҳои алтернативии энергетикӣ, ки кишвараш ба он дастрасӣ дорад, истифода менамояд. Яке аз омилҳои асосии қатъ кардани фаъолияти нерӯгоҳҳои барқии атомӣ дар ин кишварро Й. Пфайффер дар коҳиш додани ихроҷи газҳои заҳрнок ба фазо арзёбӣ кард. Намояндаи Бундестаги Олмон ба таваҷҷӯҳ ба захираҳои бойи гидроэнергетикии Тоҷикистон гуфт, ки Олмон дар оянда имкон дорад бо Тоҷикистон дар бахши энергетика ҳамкории мутақобилан судмандро ба роҳ монад, хусусан ҷиҳати бунёди нерӯгоҳҳои барқи обӣ.

Бояд тазаккур дод, ки алҳол Олмон дорои 17 стансияи атомӣ буда, «Брунсбюттель» ,«Филиппсбург- 2», Некарвестхайм -2», «Библис-А», «Библис-В», «Изар-2» ва ғайраҳо, ки дар солҳои гуногун сохта шудаанд, нуқс пайдо намудаанд.

Тибқи омори Агентии байналмилалии энергияи атомӣ дар соли 2005 дар ҷаҳон 440 реактор фаъолият дошта, 30 адади онҳо дар марҳиллаи сохтмон ва таҷдид қарор доранд. Нахустин нерӯгоҳи атомӣ дар ҷаҳон дар соли 1960 бунёд гардида, дар соли 1990 теъдоди онҳо ба 328 адад расид. Алҳол, Амрико дорои 104 реактор, Фаронса -59, Ҷопон -53, Британияи Кабир -35, Русия -29, Олмон -17, Куриёи Ҷанубӣ -16, Канада -14, Украина -13, Шветсия -11 ва Чин 3 реактор доранд. Дар масъалаи сохтмони стансияиҳои нави атомӣ Фаронса ва Шветсия моратория ҷорӣ кардаанд. Зеро, ин кишварҳо вобастаи энергияи атомӣ шуда, 76,4 %-и истеҳсолоти Фронса аз истифодаи энгергияи атомӣ ба даст меояд. Дар ҷои дуюм Литва бо 73,7 %, дар зинаи сеюм Белгия бо 56,8%, ва кишварҳои Украина -47,3%, Ҷопон -33,8, Арманистон -33%, Финляндия -32,1%, Олмон -30,6, Британияи Кабир -21,9, Амрико -19,8, Русия -14.9%, Ҳиндустон -3,1 % ва Чин -1,2 % қарор дошта, эҳтиёҷоташонро ин кишварҳо аз энергияи атомӣ таъмин менамоянд.