Душанбе, 20 май. - Тавре маълум гардид, Ҷамъияти саҳомии кушодаи НБО-и «Роғун» тасмим гирифтааст маҷлиси умумии саҳмдоронро гузаронида, тариқи овоздиҳӣ адади саҳмдорони худ ва маблағҳои воридшударо муайян намояд.

Барои муайян намудани ҳайати комиссияи тафтишотӣ, комиссияи баҳисобгирӣ ва Шўрои нозирон корҳои фаҳмондадиҳӣ гузаронида шуд.

Манучеҳр Сафаров- ҳуқуқшиноси корхона оид ба тартиби пур кардани варақаҳои овоздиҳӣ маълумоти муфассал дод.

Иштирокдорони ҷаласа ҷонибдории худро бобати идомаи сохтмони НБО «Роғун» баён намуданд.

Ёдовар мешавем, ки маблағи умумии ба суратҳисоби НБО-и «Роғун» гузаронидаи Фурудгоҳи байналмилалии Душанбе зиёда аз 18 млн. сомониро ташкил медиҳад, аз ин 5,2 млн сомонӣ маблағи кормандон буда, 13 млн. маблағи Фурудгоҳи байналмилалии Душанбе аст.