Масоили вобаста ба муносибатҳои дуҷонибаи иқтисодиву тиҷоратӣ ва имкониятҳои густариши онҳо миёни Ҷумҳурии Тоҷикистон ва Ҷумҳурии Аргентина, 5 май дар шаҳри Душанбе
Душанбе, 6 май. - зимни мулоқоти муовинони вазири рушди иқтисод ва савдои ҶТ Ҳамидуллохон Фақеров ва Гулчеҳра Бозорова бо Сафири фавқулодда ва мухтори Ҷумҳурии Аргентина дар Ҷумҳурии Тоҷикистон Рудолф Хосе Мартин-Саравиа баррасӣ гардид. Муовини аввали вазир Ҳ. Фақиров зикр намуд, ки Аргентина яке аз кишварҳои дорои таҷрибаи ғанӣ дар соҳаҳои мухталифи хоҷагии халқ ба шумор меравад. Аз ин рӯ, Ҷумҳурии Тоҷикистон омодааст, ки бо Ҷумҳурии Аргентина дар соҳаҳои илму маориф, фарҳанг, энергетика, коркарди маҳсулоти кишоварзӣ, чорводорӣ, ташкили корхонаҳои саноатӣ, рушди соҳаи туризм ва ғайра ҳамкории судманд дошта бошад.
Рудолф Хосе Мартин-Саравиа пешниҳоди ҳамкориҳоро бо хушнудӣ пазируфта, афзуд, ки ҷониби Аргентина омодааст, ки дар соҳаҳои зикргардида мусоидати фаъол дошта бошад. «Ҳамчунин, мо омодаем, ки таҷрибаи бойи ширкатҳои бонуфузи худро дар сохтмони нерӯгоҳҳои барқи обӣ бо иқтидорҳои муайян амалӣ намоем», - идома дод Сафир.
Дар ҷараёни мулоқот ҷонибҳо атрофи дигар масъалаҳои муҳим низ мубодилаи афкор намуданд.
