Душанбе, 28 апрел. - Дар чорабинӣ иштирокчиён оид ба моҳияти Паёми имсола, ки тамоми паҳлўҳои ҳаёти ҷомеа, аз ҷумла соҳаҳои энергетика ва саноат, таъмини истиқлолияти энергетикӣ, ташкили маҷмааҳои саноатӣ ва сўзишворӣ, таъмини ноҳияҳои дурдасти кўҳистон бо нерўи барқ, ба кор андохтани нерўгоҳҳои барқи обии хурду калон, зарурати тезонидани ҷараёни истифодаи технологияи муосир дар истеҳсолот, татбиқи саривақтии барномаҳои давлатии рушди соҳаи саноати сабукро фаро гирифтааст, ибрози назар карданд.

Татбиқи амалии Паёми гузаштаи Президенти мамлакат оид ба бахшҳои энергетика ва саноатро кормандони вазорат ба истифода додани нерўгоҳҳои хурду калон, кушодашавии даҳҳо корхонаҳои саноатӣ ва ташкили ҷойҳои нави корӣ маънидод карданд.

Дар ҷаласа инчунин самти фаъолияти бахшҳои гуногуни Вазорати энергетика ва саноати ҶТ аз рўи Паём барои соли оянда муайяну мушаххас карда шуд.