Бунёди 190 нерӯгоҳи хурди барқӣ то соли 2020
27 апрел 2011 | Хонданд: 562 нафар | Энергетика
Бо мақсади таъмини ноҳияҳои дурдасти кӯҳистон бо нерӯи барқ дар давраи соҳибистиқлолии кишвар 241 нерӯгоҳи хурди барқи обӣ сохта ба истифода дода шудааст
Душанбе, 27 апрел. - Тибқи иттилои манбаъ мутобиқи «Барномаи дарозмуддати бунёди силсиланерӯгоҳҳои хурди барқӣ дар давраи солҳои 2009 - 2020» дар қаламрави мамлакат сохта ба истифода додани 190 нерӯгоҳи хурди барқи обӣ пешбинӣ шудааст.
Дар давоми се соли оянда бунёди силсиланерӯгоҳҳои барқи обӣ дар ҳавзаи дарёҳои Варзобу Вахш, сохтмони нерӯгоҳҳои барқи обӣ ва тармиму таҷдиди нерӯгоҳҳои «Норак» ва «Қайроққум» ба нақша гирифта шудаанд, ки ин нерӯгоҳҳо дар давоми се соли оянда истиқлолияти энергетикии Тоҷикистонро таъмин хоҳанд кард.
