ШСХК «Барқи Тоҷик» ба самъи мардуми шарифи кишвар мерасонад, ки вобаста ба зиёд шудани ҳаҷми об дар маҷрои рӯди Вахш ва пайдо шудани шароити мувофиқ бобати истеҳсоли барқ дар сар то сари мамлакат маҳдудияти интиқоли барқ барҳам дода шуд.
Душанбе, 18 апрел. - Ибтидо аз имрўз, 17 апрел, ба муштариён бемаҳдуд барқ дода мешавад.
Хотиррасон менамоем, ки дар ин шабу рўз ҳаҷми афзоиши об дар маҷрои рӯди Вахш дар ҳар сония 550-560 метри кубиро ташкил медиҳад. Соли гузашта дар ин шабонарўз ҳаҷми ин нишондод беш аз 1000 метри кубӣ дар ҳар сония буд.
Роҳбарияти Ширкат ба сокинони кишвар бобати дарки амиқи масъала дар давраи ҷорӣ шудани реҷаи махсус ва сабру таҳаммулашон дар ҷавоби овозаҳои иғвоангез самимона арзи сипос намуда, бо камоли эҳтиром хоҳиш менамояд, ки аз сабаби кам будани захираи имсолаи барф ва вобаста ба дар ҳадди максималӣ, ба хотири захираи тирамоҳу зимистони оянда пур намудани обанбори Норак, ҳар қадар имкон аст, аз нерўи барқ сарфакорона истифода баранд.
