Нури Наср (Насриддинов Нуриддин Шамсиддинович) 14 январи соли 1972 дар шаҳри Душанбе дар оилаи коргар таваллуд шудааст.
Соли 1989 мактаби миёнаи № 51-и ноҳияи Рўдакӣ (Ленин)-ро хатм карда, сипас ба сафи артиши Шўравӣ даъват мешавад. Баъди анҷоми хизмат ба факултаи филологияи тоҷики Донишгоҳи Давлатии Омўзгории ш. Душанбе ба номи Қ. Ҷўраев дохил шуда, онро соли 1997 бо муваффақият хатм мекунад.
Қабл аз ба ТВ «Сафина» омадан тўли 13 сол дар мактаби № 59-и н. Рўдакӣ ба ҳайси омўзгори забон ва адабиёти тоҷик фаъолият кардааст, ки 7 соли онро бо адои вазифаи ҷонишини директор оид ба корҳои таълимӣ гузарондааст.
Дар Муассисаи Давлатии «Телевизиони Сафина» аз рўзи таъсисёбии он ба ҳайси муҳаррири варзиш дар идораи «Ҷавонӣ, зебоӣ ва варзиш» фаъолият мекунад.
Аз соли 2006 муовини сардабири идораи мазкур, аз моҳи феврали соли 2008 то моҳи июни 2009 сардабири идораи «Эҷод», алъон муҳаррири варзидаи ҳамин идора. Муаллифи барномаи «Рисолаи таърихӣ» ва «Раво»

Шиор: Ман Ватанро беш аз ҳарвақта дорам дўсттар!