Нахустбарномаи «Муошират» моҳи октябри соли 2005 рўи эфир омадааст. Тўли 5 сол зиёда аз 195 барнома дар мавзўҳои гуногуни иқтисодӣ, сиёсӣ, фарҳангӣ ва иҷтимои таҳия ва пахш гардиданд. Нахуст коргардони ин намоиш Носир Саидов ва муҳаррир Зевар Давлатова мебошанд. Аз рўзи таъсиси ин намоиш дар Телевизиони «Сафина» ровии он Далер Аллома (Далер Шарифов) аст, ки то ба имрўз муаллифии ин намоишро бар зимма дорад, Носир Саидов, Зевар Давлатова, Раҷабалӣ Қаландаров, Фарҳод Абдуллоев, Раҳимчон Шукуров, Баҳодур Қосимов ва Далер Аллома дар омода шудани ин намоиш заҳмат кашидаанд.
Барнома дар жанри ток-шоу, дар ҳаҷми 35-40 дақиқа ҳафтае як маротиба дар эфир пахш мешавад. Иштирокчиёни асосии ин намоиш аксаран ҷавонони касбу кори гуногунанд, ки муҳимтарин масъалаҳои иқтисодиву иҷтимоӣ, фарҳангиву сиёсии Тоҷикистон ва хориҷ аз онро мавриди таҳлилу баррасӣ қарор медиҳанд.

Коргардони барнома: Раҷабалӣ Қаландаров,
Танзимгар: Бурҳониддин Муслиҳиддин.