Идораи барномаҳои эҷодӣ дар заминаи идораи барномаҳои таълифӣ ташкил шудааст. Дар ин идора беш аз 25 журналист, фаъолият мекунанд, ки 11 нафари онҳо дар штат мебошанд ва боқимонда ҳамчун кормандони ғайриштативу шартномавианд. Муаллифони ҳар барнома бештар ба очерку хроника, адибу адабиёт, мавзӯъҳои фарҳангӣ ва ток-шоу даст мезананд ва бояд таъкид кард, ки яке аз идораҳои муқтадир ва сермаҳсултарини «Телевизиони Сафина» мебошад.

«Рисолаи таърихӣ» - бо Нури Наср, «Нози хаёл» - бо Нигинаи Мумин, «Сиришт» - и Зафар Саидов, «Мумтоз» - бо Талабшо Муқимов, «Завқ» - и Фаррухи Собирзод, «Гулшани адаб» - и Гулнораи Салимдухт дар идора чи ки, дар телевизион пружаҳои муваффақтарин эътироф шудаанд.

Агар мӯҷиби муваффақияти ҳар як барномаи мазкур ин татбиқи идеяи ҳар як муҳаррир бошад, лек диди коргардонҳои идора Муҳаммадрабии Исмоил, Худойдод Орифӣ ва Неъматулло Ҳафизов ба барномаҳо тасвири рангин ва диди нав медиҳад.

Ҳамчунин лоиҳаҳои «Раво», «Дид», «Вожазори маонӣ» ва «Ҳазлнюш» дар соли ҷадид тамдид шудаанд. Пружаҳои нав бо унвонии «Иртибот» бо Фаррухи Собирзод ва «Ҷавхар» бо Ҳусейни Ҳасан роҳандозӣ шудаанд. Якчанд пружаи нав дар назар аст.

Суҷаҳои рангин, номераҳои ҷолибу ҷадид ва ҳамчунин шлягерҳои аҳди пешин табъи бинандаро ҳар субҳи шанбе дар барномаи «Сапедадам» болида мегардонад, ки барномаи дастаҷамъист.

Алъон вазифаи сармуҳаррири идораро Нури Наср бар дӯш дорад.