Имрӯз дар Донишгоҳи миллии Тоҷикистон бахшида ба 20- солагии Истиқлолияти ҶТ конфронси илмии ҷумҳуриявӣ дар мавзӯи «Мушкилоти экологӣ ва истифодаи оқилонаи сарватҳои табиӣ» баргузор гардид.
Душанбе, 13 май. - Дар конфронс ректори ДМТ, профессор Нуриддин Саидов пиромуни ин мавзӯъ сухан гуфт, сипас олимону муҳаққиқони соҳаи агробиологӣ роҷеъ ба ҳолатҳои тағйирёбии иқлим маърӯзаҳои худро пешниҳоди ҳозирин намуданд.
Маърӯзаҳо асосан мавзӯъҳои «Сарватҳои генетикии Тоҷикистон ва ҳифзи он дар экосистемаҳои табиӣ», «Нақши Тоҷикистон дар ҳалли масъалаи глобалии ҳифзи қабати озон»-ро дар бар гирифтанд.
Дар кори конфронси илмӣ раиси Кумитаи ҳифзи муҳити зисти ҶТ Талбак Салимов, ноиби Президенти Академияи илмҳои ҶТ, академик М. Ёқубов ва роҳбари Маркази миллии гуногунии биологӣ ва бехатарии биологӣ Неъматулло Сафаров иштирок ва суханронӣ намуданд.
