Дар мактаби таҳсилоти ҳамагонии рақами 6-и ба номи Наврӯз Усмонови ҷамоати деҳоти Аличури ноҳияи Мурғоб дар ду баст 267 нафар хонанда бо забонҳои тоҷикӣ ва қирғизӣ таҳсил менамоянд.
Хоруғ, 6 май. - Муовини директори мактаби мазкур Ҳақназар Ҳақназаров зимни сӯҳбат иттилоъ дод, ки омӯзиши забони давлатӣ дар ин таълимгоҳ дар сатҳи баланд ба роҳ монда шуда, тамоми чорабиниҳо бо забони давлатӣ гузаронида мешаванд.
Дар мактаб курсҳои омӯзиши забони тоҷикӣ ба роҳ монда шуда, дар онҳо натанҳо хонандагон, балки хоҳишмандон – нафарони синну соли калонтару касбу кори гуногун низ ширкат меварзанд.
Тазаккур додан бамаврид аст, ки ба мактаб пайваста устодони Донишгоҳи давлатии ба номи М.Назаршоев, олимони Пажӯхишгоҳи инсоншиносии Академияи илмҳои ҷумҳурӣ ва қаламкашони вилоят даъват мешаванд.
