Душанбе, 27 апрел. - баҳри тақвият бахшидани чорабиниҳо дар соли маориф ва фарҳанги техникӣ ба роҳ монда, ба дастовардҳои назаррас ноил шуданд,-гуфта шуд дар нишасти матбуотӣ 26 апрел ба хабарнигорони васоити ахбори омма.

Ҳамчунин, дар нишаст зикр гардид, ки тибқи барномаи рушди донишгоҳ дар самти такмили сохтор ва идораи донишгоҳ корҳои нақшавӣ идома доранд ва ҳоло сохтори донишгоҳ дар марҳилаи такмилёбист.

Дар семоҳаи аввал маркази чунин корҳои мутобиқнамоӣ бештар дар шаҳраки донишҷӯёни Донишгоҳи техникии Тоҷикистон қарор дошта, ҳар рӯз бо иштироки устодону донишҷӯён дар баробари корҳои нақшавӣ дигар корҳои ободонӣ низ гузаронида шуданд.

Лозим ба тазаккур аст, ки дар семоҳаи гузашта дар партави омодагӣ ба таҷлили Наврӯзи байналмилалӣ ва 20- солагии Истиқлолияти давлатии Ҷумҳурии Тоҷикистон чорабиниҳои ташкилӣ ва илмию амалӣ баргузор гардиданд.

Баҳри баланд бардоштани сифати таълим ва мустаҳкам намудани пояҳои моддӣ - техникии он бисёр корҳо анҷом дода шудаанд. Аз ҷумла, барои озмоишгоҳҳои таълимӣ ба маблағи зиёда аз 800 ҳазор сомонӣ таҷҳизоти замонавӣ дастрас карда шуд.