ки дар онҳо қариб 20 ҳазор нафар устодону донишҷӯён кору таҳсил менамоянд,-зикр намуд имрӯз зимни нишасти матбуотӣ ректори Донишгоҳи мазкур, профессор Анвар Расулов.

Душанбе, 26 апрел. - Мавсуф зимни суханронӣ гуфт, ки раёсати Донишгоҳ барои ҷалби мутахассисон, инчунин барои ҳавасманднамои устодону донишҷӯён кӯмаки бебозгашт (грантҳо) ҷудо намудааст, ки ба ғолиби ҷойи якум барои ихтирои беҳтарин аз миёни устодон 5 ҳазор сомонӣ ва ба донишҷӯён ҳазор сомонӣ маблағ дода мешавад.

«Дирӯз дар ҷаласаи Шӯрои олимони донишгоҳ масъалаи таъмин намудани донишҷӯён бо китобҳои дарсӣ ба забони давлатӣ ва дастурҳои таълимӣ муҳокима гардид. Ҳамзамон бояд гуфт, ки 60% дастурҳои таълимӣ бо забони тоҷикӣ мебошанд.

Ҳоло донишгоҳ бо 57 кишвари ҷаҳон ҳамкорӣ дорад, ки ин ҳамкориҳо барои тайёр намудани мутахассисон барои донишгоҳу донишкадаҳои хориҷӣ, тайёр кардани мутахассисон аз ҳисоби шаҳрвандони хориҷӣ дар донишгоҳ, инчунин фиристодани донишҷӯёни соҳибистеъдод барои идомаи таҳсил ба донишгоҳҳои хориҷӣ, табодули устодону профессорон, табодули адабиёти илмию методӣ, гузаронидани конфронсҳо, симпозиум ва форумҳои муштараки илмӣ мусоидат менамоянд»,-афзуд Анвар Расулов дар хотима.