Дар ҳамаи мактабҳои ноҳияи Шуғнон озмуни «Муаллими сол» баргузор гардид.
Хоруғ, 21 апрел. - Тавре иҷрокунандаи вазифаи мудири методии шӯъбаи маорифи ноҳия Эраҷ Шабдолов иттилоъ дод, дар озмун 23 нафар омӯзгорони соҳибтаҷриба ширкат варзиданд. Озмун аз рӯи шартҳои шунидани ҳисоботи омӯзгор, фаъолияти эҷодӣ, фаҳмишу кор дар компютер ва фаъолияти тарбиявӣ гузаронида шуд.
Бунафша Давлатназарова- муаллимаи мактаби рақами 9-и ҷамоати деҳоти Сохчарв, Шарофат Лутфишоева- муаллимаи мактаби рақами 10–и ҷамоати Поршнев, Гулчеҳра Шоҳраҳматуллоева-муаллимаи мактаби рақами 20–и ҷамоати Сучон, Худоназар Худоназаров аз мактаби рақами 54 – и ҷамоати деҳоти Ванқалъа, Гулёр Хоразмшоев-муаллими мактаби деҳаи Вер, Таҳмина Назаралиева-муаллимаи мактаби деҳаи Дарморахт сазовори ҷойи аввал гардида, ҳуқуқ пайдо намуданд, ки дар озмуни ноҳиявӣ ширкат варзанд.
