ки дар он вазири тандурустии ҶТ Нусратулло Салимов, Президенти Академияи илмҳои Ҷумҳурии Тоҷикистон Мамадшо Илолов, ректори Донишгоҳи тиббӣ ва дигарон иштирок намуданд.

Ҳамкориҳои илмӣ ва ҷорӣ намудани таҷрибаи ҳамдигар дар соҳаи тиб омили асосии ҳамқадамсози соҳа бо пешрафти ҷаҳонӣ аст. Дар ин раванд тибби Тоҷикистон низ бо истифода аз барнома ва грантҳо ба системаи муосир мегузарад.

Айни ҳол грантҳои байналхалқие, ки муассисаҳои зерсохтори Академияи илмҳои тиб истифода менамоянд, як миллион доллари амрикоиро дар бар мегиранд.

Маблағҳои грантие, ки муассисаҳои зертобеи Академияи илмҳои тибби назди Вазорати тандурустии Ҷумҳурии Тоҷикистон соҳиб шудаанд, асосан барои ворид намудани таҷҳизоти ҳозиразамони тиббӣ ва технологияи муосир равона шудаанд.

Бояд таъкид намуд, ки тибқи қарори Ҳукумати Ҷумҳурии Тоҷикистон соли 2009-ум бо мақсади таъмини ҳамоҳангсозии фаъолияти сохторҳои илмии соҳаи тандурустӣ, татбиқи дастовардҳои илми муосир ва усулҳои нави ташхису табобат дар амалияи тиббӣ Муассисаи давлатии «Академияи илмҳои тибби назди Вазорати тандурустии Ҷумҳурии Тоҷикистон » таъсис дода шуд.

Дар ҷамъомад таъкид гардид, ки имрӯз олимони тоҷик якҷоя бо марказҳои пешқадами илмии Федератсияи Россия, Олмон, Япония, Англия, Фаронса ва дигар мамлакатҳои ҷаҳон корҳои илмӣ анҷом медиҳанду аллакай ба комёбиҳои назаррас ноил гаштаанд.

Ҷамъбасти натиҷаҳои яксолаи Академияи илмҳои тибби назди Вазорати тандурустии ҶТ бори дигар собит намуд, ки воқеан ҳам таъсиси академияи соҳавӣ метавонад дар оянда ба рушди илми тиб ва умуман соҳаи тандурустӣ дар кишвар такони ҷиддӣ бахшад.