Мактаби таҳсилоти умумии №42 ноҳияи Фирдавсии пойтахт ғолиби озмуни «Мактаби сол-2010» гардида, коллективи меҳнатии ин дабистон соҳиби хонаи сеҳуҷрагӣ гардиданд.
Душанбе, 18 апрел. - Калиди хонаи сеҳуҷрагиро Раиси шаҳри Душанбе Маҳмадсаид Убайдуллоев дар маросими тантанавӣ 16 апрел дар Рӯзи пойтахт ба директори мактаби мазкур супорид. Ибодат Усмонова ғолиби озмуни «Директори сол-2010» ва омӯзгори фанни физикаи мактаби таҳсилоти умумии№60-и ноҳияи Шоҳмансур Василий Чумак ғолиби озмуни «Муаллими сол-2010» гардида, ба маблағи 1500 сомонӣ мукофотонида шуданд.
Инчунин, озмунҳои «Кӯдакистони сол-2010» (кӯдакистони №1 ноҳияи Шоҳмансур, 3000 сомонӣ), «Мудири кӯдакистони сол-2010» (мудири кӯдакистони №150-и ноҳияи Сино Хосият Мӯсоева, 1000 сомони), «Мураббии сол-2010» (мураббии кӯдакистони №64 –и ноҳияи Шоҳмансур Ситора Сафарова, 1000 сомонӣ), «Синфи беҳтарини сол-2010» (коллективи синфи 11—«А» -и мактаби №60, ноҳияи Сино) гардид. Ба ин синф парчами сайёри Маҷлиси вакилони халқи шаҳр Душанбе, ба роҳбари синф идорорпулии ҳармоҳа сад сомонӣ барои 10 моҳ, ба сардори синф 60 сомонӣ ва хонандагон 50 сомонӣ барои 9 моҳ мукофотонида шуданд.
Ҳамзамон, Маркази тибби шаҳрӣ ва мактаби мусиқии бачагонаи №5 ба номи А Шукӯҳии шӯъбаи фарҳанги шаҳр беҳтарин муассисаи тиббӣ ва фарҳангӣ гардида, бо диплом ва як маҷмӯъи компютер бо мизу курсӣ сарфароз карда шуданд.
