Дар асоси нақша - чорабиниҳои мақомоти иҷроияи ҳокимияти давлатии вилояти Суғд дар мактаби санъати № 1-и ноҳияи Спитамен семинар-машварати омўзгорони шўъбаҳои созҳои миллии мактабҳои санъат ва мусиқии вилоят баргузор гардид.
Душанбе, 18 феврал. - Дар семинар–машварат омўзгорони мактабҳои мусиқӣ ва санъати ҳамаи ноҳияҳои вилоят ва устодони шўъбаи созҳои миллии коллеҷи санъати ба номи Содирхон Ҳофизи шаҳри Хуҷанд иштирок намуданд.
Аз тарафи омўзгорон дарсҳои кушод бо асбобҳои мусиқии дутор, рубоб, ғиҷҷак, танбўр гузаронида шуда, аз ҷониби хонандагон консерт пешкаш шуд.
Дар охири семинар-машварат директори мактаби санъати № 1-и ноҳияи Спитамен Файзулло Каримхўҷаев баромад намуда, оид ба дастовардҳои мактаб маълумот дод. Ӯ аз ҷумла қайд намуд, ки то имрўз зиёда аз 28 нафар дастпарварони мактаби санъат лауреати ҷумҳуриявӣ ва 91 нафар лауреати вилоятӣ гардидаанд.
