Теъдоди китобҳо меафзояд
27 январ 2011 | Хонданд: 627 нафар | Маориф
Китоб чун сарчашмаи илму дониш дар таълиму тарбияи насли наврас ва умуман ҷомеа нақши муассир дорад.
Турсунзода, 26 январ. - Кормандони шӯъбаи фарҳанги шаҳри Турсунзода баҳри бо китобҳои тозанашр таъмин кардани китобхонаҳои шаҳру ноҳия чораҳои мушаххас меандешанд. Алҳол фонди китобхонаи марказии шаҳр 208 ҳазору 577 ададро ташкил медиҳад.
Тибқи иттилои Гавҳар Саидова, директори китобхонаи марказӣ онҳо баҳри бо китобҳои тозанашр таъмин намудани 28 китобхонаи деҳаҳои ноҳия тадбирҳои амалӣ меандешанд. Дар худи китобхонаи марказӣ ҳар ҳафта озмуни қироати шеър ва маҳфилҳои адабӣ баргузор мегардад.
