Душанбе, 27 январ. (ТВ "Сафина", М. Ҳусейнов) - Донишгоҳи словянии Тоҷикистону Россия, ки дар натиҷаи ҳамкориҳои густурдаи ду кишвар, Ҷумҳурии Тоҷикистон ва Федератсияи Россия ташкил карда шудааст, имкон дод то ҷавонон дар баробари гирифтани донишҳои замонавӣ, ихтисосҳои муосир, инчунин аз забону фарҳанги ин ду кишвар баҳравар шаванд.

Ҳамчунин роҳбарияти Донишгоҳ иброз доштанд, ки дар соли 2011 ба сохтмони як бинои иловагии таълимӣ санги асос гузошта шуд, ки дар сурати ба истифода додани он шароити таълиму тарбия боз ҳам хубтар хоҳад шуд.

Айни ҳол дар Донишгохи словянии Тоҷикистону Россия 4 факулта фаъолият мекунад, ки дар он аз рўи 12 ихтисос мутахассис омода карда мешавад. Дар ин муассисаи олии таълимии кишвар дар баробари ҷавонони Тоҷикистону Россия, инчунин шаҳрвандони беш аз 20 давлати ҷаҳон ба таҳсил фаро гирифта шудааст, хабар дода шуд дар нишасти матбуотӣ.