Партавафшон бод парчамат Тоҷикистон
23 ноябр 2011 | Хонданд: 278 нафар | Маориф
Тибқи Нақша-чорабиниҳои Кумитаи ҷавонон, варзиш ва сайёҳии назди Ҳукумати Ҷумҳурии Тоҷикистон дар тамоми шаҳру ноҳияҳои ҷумҳурӣ бахшида ба Рўзи Парчами давлатии Ҷумҳурии Тоҷикистон
мулоқоту мизҳои мудаввар бо иштироки роҳбарият ва масъулини Кумита бо наврасону ҷавонон ҷараён дорад.
Душанбе, 23 ноябр. (ТВ "Сафина", З. Каримов) - Тибқи нақшаи зикргардида дар Мактаби таҳсилоти ҳамагонии рақами 70-и шаҳри Душанбе мизи мудаввар дар мавзўи «Партавафшон бод парчамат Тоҷикистон» сурат гирифт.
Дар рафти чорабинӣ аз ҷониби иштирокдорон вобаста ба таърихи Парчами давлатии Ҷумҳурии Тоҷикистон маърўзаҳо шунида шуданд.
Аз ҷумла, аз ҷониби баромадкунандагон қайд гардид, ки имрўз Парчами давлатии Ҷумҳурии Тоҷикистон баландтарин парчам дар ҷаҳон эътироф шуда, нишонаи сулҳу суббот ва оромӣ дар ҷомеа мебошад.
Ҳамчунин ҷавонон шеърҳо дар васфи Ватан, парчам ва модарро қироат карда, изҳор намуданд, ки дар радифи Ватан, барояшон Нишон ва Парчами давлатии Ҷумҳурии Тоҷикистон муқаддасу яктоянд.
