«Ислоҳоти соҳаи маориф ва шаклгирии муносибатҳои байналмиллалӣ» таҳти чунин унвон дар Донишгоҳи Давлатии Омўзгории ба номи Садриддин Айнӣ конференсияи илмӣ- назариявӣ баргузор гардид.
Душанбе, 16 ноябр. (ТВ"Сафина" З.Ҷавакова). - Конференсия, ки бахшида ба 80-умин солгарди таъсисёбии донишгоҳи мазкур бахшида шуда буд, бо суханони табрикотии ректори донишгоҳ Зариф Шарипов оғоз гардид. Мавсуф доир ба таърихи ташкилёбии донишгоҳи омўзгорӣ маълумот дода, аз ҷумла зикр намуд, ки ин муассисаи таълимӣ дар марҳилаҳои авали таъсисёбӣ ҳамагӣ 2 факулта ва 4 шўъба доштааст. Айни ҳол бошад дар донишгоҳ 13 факулта бо 3 кафедраи ҷомеашиносӣ ва 5 кафедраи умумии омўзгорӣ фаъолият мекунад. Шумораи донишҷўён бошанд бештар аз 10 ҳазор нафарро ташкил медиҳад. Дар конференсия дар баробари устодону донишҷўёни донишгоҳ ҳамчунин роҳбарияти вазорати маориф ва намояндагони ҳукумат иштирок карданд.
Таъкид гардид, ки конференсияи мазкур, ки дар он ҷабҳаҳои мухталифи соҳаи маориф инъикос мегарданд, метавонанд боиси бартараф кардани камбудиҳои соҳа, дар амал татбиқ намудани ҳамгироии илм бо истеҳсолот ва ба нерўи истеҳсолкунанда табдил додани илм гардад.
