Душанбе, 6 октябр. (ТВ «Сафина», М. Зокиров). – Дар ин чорабинии фарҳангӣ устодони кафедраи забони донишгоҳ бо маърўзаҳои илмӣ баромад карда, аз боби Истиқлолият ва рушди забони тоҷикӣ сухан ронданд. Мақоми давлатӣ гирифтани забони тоҷикӣ чун муҳимтарин рўйдоди таърихӣ арзёбӣ гардид ва таълифи осори илмӣ, дастурҳои методию таълимиро бо забони давлатӣ олимон чун беҳтарин дастоварди истиқлолият баҳогузорӣ карданд. Таъриху тамаддуни миллати тоҷик барои ҷаҳониён бо ин забони ноб нодиртарин асарҳои илмиро ба мерос гузоштааст. Ҳанўз дар асри 8 китобҳои аввалини таълими соҳаи тиб, дорушиносӣ, тиб дар назм бо забони адабии тоҷик таълиф шуда буданд, ки то имрўз мавриди омўзиш қарор доранд.

Дар конфронс оид ба мақому манзалати забони тоҷикӣ чун як рукни асосии давлатдорӣ андешаҳо иброз шуданд ва зикр гардид, ки имрўз забони тоҷикӣ ҳамчун забони илм ва пажўҳиши соҳа рушд кардааст. Барномаи фарҳангии донишҷўён, ки аз қироатии шеъру иҷрои сурудҳо дар васфи забон ба иштирокчиёни маҳфил манзур гашт, бозгўи меҳру самимияти хос ба забони тоҷикӣ ва ин миллату давлати соҳибистиқлол буд.