Муассисаи нашрияи Ирфон тавассути матбааи хусусиии Бебок ба муносибати 20-солагии Истиқлолияти давлатии Ҷумҳурии Тоҷикистон китоби «Энсиклопедияи Фархор»- ро дар хаҷми 34 ҷузъи чопӣ ботеъдоди 2,5 ҳазор нусха ба табъ расонид.
Душанбе, 20 сентябр. (ТВ «Сафина»). - Мураттиб ва сармуҳаррири китоб, узви Иттиҳоди рўзноманигорони Тоҷикистон Аскар Абдусамадов буда, заминаи асосӣ барои таҳияи Энсиклопедияи Фархор тадқиқоти арзишманди олимони маъруфи кишвар, академик Бобоҷон Ғафуров, аъзои вобастаи Академияи илмҳои Тоҷикистон Борис Литвинский ва Юсуфшо Яқубов, бостоншиносон Хуршед Муҳиддинов, Музаффар Азизов, Олга Пянкова, Вадим Ранов, доктори илмҳои таърих, профессор Шариф Достиев, ки дар бораи таърихи беш аз 3,5 ҳазор солаи Фархор маълумоти муътамад медиҳанд ва ҳамзамон аз таърихи замои шўравии ин диёр ҳикоят мекунанд, гардиданд.
Китоб аз фаъолияти пурсамари Президенти ҷумҳурӣ Эмомалӣ Раҳмон мақолаи алоҳидаи пурмўҳтавое низ ба табъ расонида шудааст, ки туфайли он ба таърихи 20-соли истиқлолияти давлатии Тоҷикистон маълумоти кофӣ гирифтан мумкин аст.
Чор сафари кории сарвари давлат Эмомалӣ Раҳмон ба ноҳияи Фархор, ки дар китоб ҷой дода шудааст, дар ҳаёти иқтисодию иҷтимоӣ ва фарҳангии ин диёр нақши арзанда бозидаанд.
Китоби Энсиклопедияи Фархор барои доираи васеи хонандагон пешбинӣ ва таҳия гардидааст.
