дар Агентӣ бо иштироки намояндагони вазорату идораҳо семинари омӯзишӣ оид ба барномаи AdePT шуда гузашт.

Душанбе, 12 май. - Семинар машғулиятҳои назариявию амалӣ бо истифода аз барномаи AdePT , инчунин масъалаҳои таҳлили камбизоатӣ, нобаробарии даромадҳо ва самаранокии барномаҳои ҳифзи иҷтимоиро дар бар гирифт.

Барномаи мазкур дар идораи татқиқоти Бонки Ҷаҳонӣ таҳия шудааст ва имкон медиҳад, ки бо сарфаи вақти кам маҷмӯи натиҷаҳои аналитикӣ – ҷадвалҳо ва графикҳо барои таҳлил дар соҳаҳои гуногуни тадқиқоти иқтисодӣ таҳия карда шаванд.

Омӯзиши мазкур бо дастгирии Бонки Ҷаҳонӣ ва Вазорати Британияи Кабир оид ба рушди байналмилалӣ (DFID) ташкил шуда, дар он 16 нафар мутахассисон аз вазорату идораҳо: Агентии омори назди Президенти Ҷумҳурии Тоҷикистон, Вазорати рушди иқтисод ва савдо, Вазорати меҳнат ва ҳифзи иҷтимоии аҳолӣ, Вазорати маориф, Вазорати тандурустӣ, Кумитаи сармоягузорӣ ва идораи амволи давлатӣ ва як қатор ташкилотҳои ғайридавлатии татқиқотӣ иштирок намуданд.

Бояд гуфт, ки машғулиятҳои назариявию амалиро мутахассисони Бонки Ҷаҳонӣ- Михаил Локшин ва Зураб Саҷая гузарониданд.