Душанбе, 3 май. - Тоҷикистонро дар ин маъракаи муҳим роҳбари Дастгоҳи иҷроияи Президенти Ҷумҳурии Тоҷикистон Матлубхон Давлатов ва раиси Бонки миллии Тоҷикистон Шариф Раҳимзода муррифӣ менамоянд.

Тибқи иттилои дафтари намояндагии БОР дар шаҳри Душанбе намояндаи Шӯрои мудирони БОР дар Тоҷикистон Матлубхон Давлатов мебошад.

Дар ҷаласаи мазкур масъалаҳои болоравии нархи озуқа дар ҷаҳон ва паёмадҳои он, тағйири табиат, ҷустуҷӯи роҳу тарзҳои нави ҳамкорӣ дар доираи БОР, тадбирҳо барои коҳиши камбизоатӣ ва таъмини рушди муназзами иқтисодӣ дар минтақаи Осиё ва Уқёнуси Ором мавриди баррасӣ қарор мегиранд.

Дар ҷаласа Бонки Осиёии Рушд аввалин маротиба ҳисоботи худро таҳти унвони "Осиё- 2050: чӣ гуна қарни Осиё ба воқеъият табдил меёбад" пешниҳод мекунад, ки дар он вазъи демографӣ, иҷтимоӣ, экологӣ, ҳамчунин масъалаи он ки минтақа чӣ бояд кунад то беҳбудиро дар зарфи 40 соли оянда таъмин карда тавонад, мавриди таҳлил қарор мегиранд.