дар бораи роҳ надодан ба андозситонии дукарата ва ҷилавгирии канораҷӯӣ аз супоридани андоз аз даромад ва сармояро тасдиқ намуд.

Душанбе, 21 апрел. - Сафаралӣ Наҷмиддинов- вазири молияи ҷумҳурӣ зимни шарҳи санади мазкур дар назди вакилон гуфт, ки ҳадафи Мувофиқатнома бартараф намудани андозбандии дутарафа аз даромад ва сармоя буда, он ба афзун гардидани гардиши савдои байнидавлатӣ, рушди манбаъҳои ҳамкории иқтисодию техникӣ, илмию фарҳангии Тоҷикистону Эрон мусоидат менамояд.

Вазири молияи ҷумҳурӣ гуфт, ки ҳаҷми гардиши савдои хориҷӣ байни ду кишвари ҳамзабон сол аз сол афзоиш ёфта истодааст. Ин аст, ки дар соли 2009 гардиши мол байни ду давлат беш аз 120 миллион $-ро ташкил дода, дар соли 2010 он 75 миллион $ афзоиш ёфта, ба 202 миллион $ баробар шуд.

Айни замон бо сармояи Эрон дар ҷануби Тоҷикистон сохтмони НБО «Сангтӯда-2» идома дошта, даҳҳо корхонаҳои истеҳсолӣ бо ҷалби сармояи Эрон дар Тоҷикистон фаъолият доранд.

Эътибор пайдо намудани ин санад имконият медиҳад, ки аздозбандӣ аз даромад, амвол, музди меҳнат, сармояи шахсони ҳуқуқӣ ва воқеъӣ дар ҳар ду давлат ба танзим дароварда шаванд. Ин раванд боиси рушди муносибатҳои иқтисодӣ, зиёд шудани сармояи якдигар гардида, баъзе монеаҳоро аз байн мебарад.
Бояд тазаккур дод, ки санади мазкур ҳанӯз декабри соли 1998 дар Теҳрон ба имзо расида, он аз 30 модда иборат мебошад. Ҳукумати Ҷумҳурии Тоҷикистон бо мақсади густариши муносибатҳои иқтисодӣ ва бартараф намудани монеаҳои андозбандӣ бо 20 кишвари ҷаҳон чунин санадро ба тасвиб расонидааст.