Дар ноҳияҳои Рашту Нуробод ва Тавилдара даври дуюми озмуни «Чакомаи гесу» баргузор гардид.
Рашт, 5 июл. - Дар озмун намоиши сару либос ҳунарҳои халқӣ, тӯйи домодию арӯсӣ ва ороиши зебо - духтарони гесударози водии Раштонзамин намоиш дода шуд. Дар озмун муовини аввали раиси Кумитаи кор бо занон ва оилаи назди Ҳукумати Ҷумҳурии Тоҷикистон Қимматгул Алибердиева иштирок намуд.
Инчунин оид ба масоили рӯзмарраи ободсозию созандагӣ дар арафаи ҷашни 20 – солагии Истиқлолияти давлатии кишвар бо занони ин минтақа Қимматгул Алибердиева вохӯриҳо гузаронида, аз дастовардҳои то имрӯз бадастовардаи кишварамон суханронӣ намуд.
Ба иштирокдорони озмуни «Чакомаи гесу» тӯҳфаҳои хотиравӣ аз ҷониби Кумитаи кор бо занон ва оилаи назди Ҳукумати Ҷумҳурии Тоҷикистон супорида шуданд.
