5 филми ҳуҷҷатии муштарак
22 июн 2011 | Хонданд: 466 нафар | Фарҳанг
Дар Ҳиндустон тариқи шабакаи якуми телевизиони марказии ин кишвар намоишномаи телевизионӣ дар ҳудуди 25 дақиқа бо номи “Ҷашни тамаддунҳо” пахш карда шуд, ки дар бораи Тоҷикистон нақл мекунад.
Душанбе, 22 июн. - Моҳи августи соли 2010 ҳайати кормандони ширкати филмсозии “N.S. Films” иборат аз 6 нафар таҳти роҳбарии продюсер Нилуфар Шама ба Ҷумҳурии Тоҷикистон ба муддати 2 ҳафта сафари корӣ ба анҷом расониданд. Гурӯҳи кормандони ширкати “N.S. Films” аз чанд шаҳрҳои Ҷумҳурии Тоҷикистон дидан намуда, ҷойҳои таърихӣ ва табиати зебои Тоҷикистонро ба навор гирифтанд.
Дар рафти сафари худ продюсери ширкат Нилуфар Шама бо роҳбарияти Кумитаи телевизион ва радиои Ҷумҳурии Тоҷикистон Созишномаи ҳамкорӣ оид ба наворгирии 5 филми ҳуҷҷатӣ дар бораи муаррифии Ҷумҳурии Тоҷикистон ба имзо расонида буданд.
