26 июни соли равон соати 19-00 дар Наврӯзгоҳи пойтахт» таҳти унвони «Файзи Ваҳдат» чорабинии идонаи театрикунонидашуда ба ифтихори Рӯзи Ваҳдати миллӣ гузаронида мешавад.
Душанбе, 21 июн. - Ин матлаб зимни баррасии масъалаи омодагии пойтахт ба Рӯзи Ваҳдати миллӣ, дар ҷаласаи шаҳрдорӣ, ки 20 июн дар ҳузури Раиси шаҳри Душанбе Маҳмадсаид Убайдуллоев баргузор шуд, зикр гардид.
Котиби матбуоти Раиси шаҳри Душанбе Шавкат Саидов иттилоъ дод, ки дар ҷаласа ҳамзамон, масъалаҳои муҳими хоҷагидории шаҳр матраҳ шуда, ҷараёни корҳои ободонӣ ва омодагӣ ба 20-солагии Истиқлолияти давлатии Ҷумҳурии Тоҷикистон натиҷагирӣ гардиданд.
Раиси шаҳр таваҷҷӯҳи масъулинро ба сатҳ ва сифати хизматрасонӣ дар тамоми намуди хизматрасониҳо ба шаҳрвандон аз суӣ субъектҳои коммуналӣ ва хусусипешниҳодшаванда нигаронида, дастур дод, ки барои ҳалли мушкилоти ҷойдошта дар ин самт назорати ҷамъиятӣ пурзӯр карда шаванд.
