Дар Театри давлатии ҷавонон ба номи Маҳмудҷон Воҳидов намоишномаи навбатӣ таҳти унвони «Меҳмони бефарҳанг» ба саҳна гузошта шуд.
Душанбе, 16 июн. - Намоишнома фарогири мавзӯи одоби меҳмондорӣ ва ба меҳмонӣ рафтанро таҷассум менамуд.
Ба саҳнагузорандаи намоишнома - Ҳунарманди халқии Тоҷикистон Шодӣ Солеҳ бо мақсади аз байн бурдани нуқсонҳои ҷойдошта дар одоби меҳмондориву ба меҳмонӣ рафтан чунин як саҳнаеро ба тамошибинон пешниҳод намудааст, ки бевосита тақозои замон буда, дар ҳалли мушкилоти ҷойдошта заминаи воқеӣ мегузорад.
Гуфтанист, ки касбият ва истеъдоди волои ҳунармандони тоҷик дар офаридани намоишномаи мазкур бараъло дида мешуд. Ҷалб намудани ҳунармандони асилу дорои истеъдоди воло шумораи тамошобинони театро зиёд намуда, дар тарбияи насли ҷавон саҳми арзанда мегузорад.
