21 июни соли равон дар Театри опера ва балети ба номи Садриддин Айнӣ консерти гурӯҳи ҳунарии Академияи мақом баргузор мегардад.
Душанбе, 14 июн. - Дар барномаи консертӣ порчаҳои дилошӯбу дилангез аз мусиқии «Шашмақом» ва сурудҳои тозаэҷоди рӯҳнавози ҳунармандони Академия, аз ҷумла Озодахон Ашӯрова, Ҷамшед Эргашев, Хуршед Иброҳимов, Сироҷиддин Ҷӯраев, Тоҳирҷон Ҷӯраев, Камолиддин Ҳамдамов, таҳти роҳбарии Ҳунарпешаи халқии Тоҷикистон Абдувалӣ Абдурашидов, тақдим мегардад.
Мавриди зикр аст, ки консерти мазкур бо ташаббуси Вазорати фарҳанги ҶТ ташкил шудааст.
