Душанбе, 7 июн. - Вазир оид ба самтҳои фаъолияти Вазорати фарҳанги Тоҷикистон маълумоти мухтасар дод. Аз ҷумла, оид ба истифодаи мероси таърихию фарҳангӣ иттилоъ дода шуд. Қайд гардид, ки Тоҷикистон таърихи хеле қадим ва бой дорад. Аз ин рӯ, Ҳукумати ҷумҳурӣ талош дорад, ки ҳамаи ёдгориҳои таърихиро омӯхта, ҳифзи ёдгориҳои таърихӣ ва таъмиру тармими онҳо маблағҳои муайян ҷудо менамояд.

«Пеш аз даврони истиқлолият омӯхтани ёдгориҳои тахрихӣ барои мо маҳдуд буд. Мо кӯшиш ба харҷ додем, ки як ёдгории таърихиро ба Феҳристи мероси ёдгориҳои умумиҷаҳонии ЮНЕСКО ворид намудем ки ин ҳам Саразм мебошад. Ёдгориҳои таърихии Тоҷикистон таърихи панҷ ҳазорсола доранд. Дар Тоҷикистон ёдгориҳои таърихии динӣ, зороастризм, будоӣ, насронӣ, неостронӣ, исломӣ ва ёдгориҳои таърихии қалъавӣ бисёр аст», - иттилоъ дод вазир.

М.Асрорӣ дар рафти сӯҳбати худ зикр намуд, ки барои тармими Театри опера ва балети ба номи С. Айнӣ ва Консерваторияи миллии Тоҷикистон аз ҷониби Ҳукумати Ҷопон кӯмак шуда буд.

«Дар даврони Истиқлолият робитаҳои фарҳангии Тоҷикистону Ҷопон хело густариш ёфт, ки таҷлили шаби эҷодии Талабҳӯҷа Сатторов дар Ҷопон гувоҳи ин гуфтаҳост», - зикр намуд М. Асрорӣ.

Сафири Ҷопон қайд намуд, ки: «мо омодаем, ки ҳамкориҳои иқтисодӣ ва фарҳангиро давом диҳем. Ман бо вазири корҳои хориҷии Тоҷикистон Ҳамрохон Зарифӣ мулоқот доштам ва дар ин мулоқот Созишнома оид ба тармими мақбараи Мирсаид Алии Ҳамадонӣ ба имзо расид».

Инчунин, дар ҷараёни сӯҳбат тарафҳо дар мавриди ҳифзи мероси фарҳангии ҳар ду кишвар табодули андеша карда, ҷиҳати тайёр намудани мутахассисони соҳаи мазкур омодагии хешро иброз намуданд.