Душанбе, 27 май. - М. Асрорӣ оид ба самтҳои фаъолияти раёсату шӯъбаҳои вазорат маълумот дода иброз намуд, ки мо кӯшиш дорем ҳамаи ёдгориҳои таърихиро омӯзем ва ҷиҳати омӯзиш ва тармиму таъмини онҳо аз ҷониби Ҳукумати Ҷумҳурии Тоҷикистон маблағгузорӣ шудааст.

Зимни вохӯрӣ вазир зикр намуд, ки ёдгориҳои таърихии Тоҷикистон таърихи панҷҳазорсола доранд, ки аз ёдгориҳои таърихии дини зардуштӣ, буддоӣ, насронӣ, исломӣ иборат мебошанд ва ёдгории таърихии Саразм ба Феҳристи мероси умумиҷаҳонии фарҳангии ЮНЕСКО дохил гардидааст.

Профессор Ванг Ҷиансин дар оғози сӯҳбат барои қабули гарму самимӣ арзи сипос намуда иброз дошт, ки мо омодаем то аз ёдгориҳои таърихии Тоҷикистон дидан намуда дар ин самт ҳамкорӣ кунем. Номбурда ҳамчунин қайд намуд, ки онҳо хоҳиши боздид аз Қалъаи Ҳулбук, Аҷинатеппа, Қалъаи Ҳисор ва Шаҳритӯсро доранд. Инчунин тарафҳо дар мавриди ҳифзи мероси фарҳангии ҳар ду кишвар омодагии хешро иброз намуданд.