Душанбе, 25 май. - Дар ифтитоҳ вазири фарҳанги Ҷумҳурии Тоҷикистон Мирзошоҳрух Асрорӣ чопи ин маҷмӯаи ҷашниро беҳтарин падидаи ҳаёти фарҳангӣ арзёбӣ кард.

Ба андешаи М.Асрорӣ дар китоб беҳтарин шеъру мақолаҳои адибони тоҷик ҷой дода шудаанд, ки талошу фидокориҳои Президенти Ҷумҳурии Тоикистон Эмомалӣ Раҳмонро дар роҳи расидан ба ваҳдати миллӣ ва таҳкими Истиқлолияти давлатӣ, инчунин дастовардҳои бузурги халқи тоҷикро дар 20 соли охир дар бар мегиранд.

Дар ҷамъомад Шоири халқии Тоҷикистон Гулназар Келдӣ, муовини аввали раиси иттифоқи нависандагон А.Самадов ва шоири писандида Сафар Аюбзодаи Маҳзун изҳор намуданд, ки воқеан муаллифони китоби «Бахтофарин» хеле самимона ва холисона нақши Сарвари давлатро дар пешрафту шукуфоии сарзамин ва болоравии мавқеи Тоҷикистон дар арсаи ҷаҳонӣ ба қалам додаанд.