25 май Вазорати фарҳанги мамлакат ба ифтихори ҷашни 20-умин солгарди Истиқлолияти давлатии Ҷумҳурии Тоҷикистон расми ифтихоҳи аввалин
намоишгоҳи байналмилалии «Китоби Душанбе»-ро дар бинои Филармонияи давлатии Тоҷикистон ба номи А.Ҷӯраев барпо мекунад.
Ёдовар мешавем, ки дар ин намоишгоҳ ноширон, кормандони чопхонаҳо, тавзеъкунандагони китоб, оҷонсиҳои адабӣ ва иттилоотӣ, сафорату намояндагони кишварҳои хориҷӣ, созмонҳои байналмиллалии муқими Тоҷикистон иштирок менамоянд.
Дар намоишгоҳ барои намоиш, фурӯш ва вогузор намудани ҳуқуқи чопи китобҳо дар мавзӯъҳои гуногун ҷузваҳо, нашрияҳои даврӣ, албому китобҳои мусаввар ва дигар маҳсулоти чопӣ ба намоиш гузошта мешаванд.
