Ба муносибати Рӯзи ҷавонон шоми имрӯз дар Амфитеатри пойтахт барномаи ҷолиби фарҳангию тафреҳӣ баргузор мегардад, ки ташаббускори он Раёсати ҷавонон, варзиш ва сайёҳии шаҳри Душанбе мебошад.
Душанбе, 23 май. - Ин чорабинии фарҳангӣ дар чаҳорчӯбаи «Ҳафтаи ҷавонон» бо иштироки ҷавонони фаъоли шаҳри Душанбе гузаронида шуда, дар он дастовардҳои илмию техникӣ ва ҳунарии ҷавонон ба намоиш гузошта мешаванд.
Ҳамзамон, дар ин ҷо пас аз намоиши дастовардҳои ҷавонони пойтахт барномаи консертӣ бо иштироки беҳтарин ҳанармандони ҷавону шинохта ва дастаҳои ҳунарию рақсӣ ташкил карда мешавад.
Бояд тазаккур дод, ки Рӯзи ҷавонон, ки ҳамасола дар саросари кишвар дар сатҳи баланд таҷлил мегардад, ба иди ҳақиқии ваҳдату дӯстӣ ва ҳамраъйию ҳамдигарфаҳмии ҷавонони кишвар, ки шукуфоии минбаъдаи сарзаминамон аз онҳо вобастагии комил дорад, табдил ёфтааст.
