Душанбе, 10 май. - Дар рафти чорабинӣ оид ба имтиёзҳои муҳаёкардаи Ҳукумати Ҷумҳурии Тоҷикистон барои занону бонувон дар асоси лоиҳаҳо барои ривоҷи кори онҳо маърӯза шунида шуд.

Таъкид гардид, ки ҷиҳати ҷудо намудани маблағҳои муайян аз ҷониби Ҳукумат барои соҳибкорзанон то соли 2015 алакай барномаи мушаххас қабул гардидааст. То имрӯз ба занони соҳибкор баҳри рушди тиҷорати онҳо 3 милиону 300 ҳазор сомонӣ аз ҷониби Ҳукумати мамлакат ҷудо шуд, ки соҳибкорзанон ин маблағҳоро барои замбӯрпарварӣ, чорводорӣ ва дигар соҳаҳо истифода кардаанд.

Мақсади асосии гузаронидани озмуни «Соҳибкорзани беҳтарин» ҳам аз хамин иборат аст, ки малбағҳои ҷудогардида дар ин самт барои ободии Ватан ва шукуфоии диёр сарф шавад. Иштирокдорони чорабинӣ изҳор доштанд, ки дар тайи солҳои охир бо ҷалби соҳибкорони ватанӣ иншооти гуногуни маишӣ ва хизматрасонӣ бунёд шуда, ҷойҳои кории нав низ муҳайё мегардад.

Аз ин хотир, гуфтан мумкин аст, ки саҳми соҳибкорзанон низ дар ин самт назаррас мебошад.

Ба ғолибони озмуни «Соҳибкорзани беҳтарин» диплом ва тӯҳфаҳои таъсиснамуди ноҳияи Шоҳмансур супорида шуд.