Муаррифии намоишгоҳи «Экспо»-и Авруосиё
5 май 2011 | Хонданд: 495 нафар | Фарҳанг
4 майи соли равон дар шаҳри Душанбе муаррифии намоишгоҳи «Экспо»-и Авруосиё, ки 5 – уми сентябри соли равон дар Ҷумҳурии Халқии Хитой бо номи «Хитой Авруосиё» ба кори худ шурӯъ мекунад, баргузор гардид.
Душанбе, 5 май. - Дар кори он раиси Палатаи савдо ва саноати Тоҷикистон Саид Шариф иштирок намуда, оид ба ҳамкориҳои Тоҷикистону Хитой ва оид ба моҳияти намоишгоҳи мазкур барои рушди тиҷорат ибрози назар кард.
Ба гуфти Саид Шариф намояндагони Палатаи савдо ва саноати ҷумҳурӣ барои иштирок дар ин чорабинӣ омодагӣ мегиранд. Дар рафти кори муаррифии намоишгоҳи мазкур таъкид гардид, ки чунин чорабиниҳои аҳамияти иқтисодӣ дошта метавонанд дар пайдо кардани шарикони ҳамкор дар бахшҳои мухталиф мусоидат намоянд.
Бояд гуфт, ки дар маъракаи мазкур намояндагони бахши иқтисод ва савдои Ҷумҳурии Мардумии Чин иштирок ва суханронӣ карданд.
