Ғолибони озмуни «Садои дил» муайян гардиданд
4 май 2011 | Хонданд: 494 нафар | Фарҳанг
Фестивал-озмуни вилоятии сарояндагони ҷавон таҳти унвони «Садои дил», ки бо ташаббуси Раёсати ҷавонон, варзиш ва сайёҳии вилояти Суғд бахшида ба 20-солагии Истиқлолияти давлатии Ҷумҳурии Тоҷикистон доир гардида буд, ҷамъбаст гардид.
Душанбе, 4 май. - Маросими ҷамъбасти он дар муассисаи давлатии «Қасри ҷавонон»-и ба номи Лоиқ Шералӣ баргузор гардид.
Дар натиҷа Шоҳҷоиза насиби Ғайратҷон Юлдошев аз ноҳияи Ғончӣ гардид. Ҷойи якум насиби Қутбиддин Раҷабзода аз ноҳияи Мастчоҳ, ҷойи дуюм насиби Фаррухи Акмал аз ноҳияи Шаҳристон гардида, ҷои сеюмро Нигинаи Абўбакр аз коллеҷи санъати ба номи Содирхони Ҳофиз сазовор гардид. Ба ғолибон ва иштирокчиёни озмун диплом ва тўҳфаҳои хотиравӣ супорида шуд.
