Душанбе, 15 апрел. - Дар он зиёда 1600 нафар наврасону ҷавонони то синни 20- сола ширкат варзиданд. Озмун то ҷашни 20- солагии Истиқлолият идома меёбад,- зикр намуд имрӯз дар нишасти матбуотии ҷамъбасти семоҳаи соли равон раиси Кумитаи телевизион ва радиои назди Ҳукумати ҶТ Асадулло Раҳмонов.

Дар семоҳаи аввали соли 2011 аҳли эҷоди киностудияи «Тоҷикфилм» филми мустанади «Ҷилваи ҳусн»-ро дар ду қисм, филми мустанади «Сарчашмаи ҳаёт»-ро доир ба захираҳои оби Тоҷикистон ва лавҳаи мустанади илмӣ - омӯзишии «Тоҷикистон- ватани Наврӯз аст» - ро ба анҷом расониданд.

Асадулло Раҳмонов ҳамчунин гуфт, ки кори аз ҳама муҳиме, ки идораи «Тоҷиккино» то ҷашни 20- солагии Истиқлолияти давлатӣ ба анҷом мерасонад, таъмир ва азнавсозии толори синамоии «Ватан» мебошад. Эҳё шудани ин толор тамошобинони филмҳои ватанию хориҷиро шод хоҳад кард, зеро ин толор аз кӯҳнатарин муассисаҳои синамонамоишдиҳӣ буда, баробари ба фаъолият шурӯъ намудан ҷойи дӯстдоштаи сокинон ва меҳмонони шаҳр мегардад.