Имрӯз дар китобхонаи шаҳрии ба номи Лоҳутӣ бахшида ба 20-солагии Истиқлолияти давлатии Ҷумҳурии Тоҷикистон дар доираи маҳфили адабии «Тоҷикистон- меҳани бахтоварин»- вохӯрии олимон, адибон ва хонандагон баргузор гардид.
Душанбе, 4 апрел. - Ҳамчунин, дар васфи Истиқлолият шеърҳо қироат гардида, саволу ҷавоб дар мавзӯи «Истиқлолияти давлатии Ҷумҳурии Тоҷикистон», намоиши китоб таҳти унвони «Фархунда бод иди китоб», намоиши расмҳои кашидаи бачаҳо пешкаши меҳмонон гардид.
Ёдовар мешавем, ки маҳфили мазкур дар доираи барномаҳои фестивали ҷумҳуриявии «Ҳафтаи китоби кӯдакону наврасони Тоҷикистон» гузаронида шуда, мақсади асосии он беҳтару бештар шинос кардани насли наврас бо таърихи миллат, дастовардҳои Истиқлолияти миллӣ, мероси баландғояю гаронбаҳои ниёгон, ташкили вохӯрии адибони бачагон, олимон, шахсиятҳои намоён бо хонандагони мактабҳои пойтахт ва шаҳру навоҳии ҷумҳурӣ мебошад.
